Sjálfvirk kílómetraskilog GPS flotastýring

Ratar er íslenskt GPS flotastýringarkerfi fyrir fyrirtæki sem vilja betra yfirlit yfir ökutækin sín. Kerfið sýnir staðsetningu allra ökutækja flotans í rauntíma á korti, geymir aksturssögu og býður upp á tilkynningar, viðhaldsáminningar og sjálfvirk kílómetraskil til Samgöngustofu. Ratar hentar fyrirtækjum af öllum stærðum - hvort sem flotinn telur eitt ökutæki eða hundruð - og er notað af þjónustufyrirtækjum, verktökum, dreifingaraðilum og bílaleigum. Uppsetning er einföld: lítið GPS tæki er tengt við ökutækið, eða tengst er beint við app bílframleiðandans með OEM Smartcar tengingu án nokkurs búnaðar.

Í Ratar kerfinu sérðu hvar hvert ökutæki er statt í rauntíma, hvar það hefur verið á hverri stundu og hversu hratt því var ekið. Aksturssagan sýnir leiðir, stopp og tímasetningar og hægt er að taka út skýrslur um vegalengdir og notkun. Einnig er hægt að stilla tilkynningar - til dæmis þegar ökutæki fer inn eða út af skilgreindu svæði (geofence), fer yfir hámarkshraða eða er á ferð utan vinnutíma. Með GPS OBD II Pro tæki les kerfið auk þess kílómetrastöðu og gögn úr tölvu bílsins, svo sem snúningshraða og hitastig kælivökva.

Já, áskriftargjaldið er greitt á meðan tækið er virkt, þar sem tækin senda gögn hvort sem bíllinn er á hreyfingu eða ekki. Ef fyrirsjáanlegt er að ökutæki verði ekki í notkun í lengri tíma er hægt að taka tækið úr sambandi samkvæmt gjaldskrá og virkja það aftur síðar. Hafðu samband við okkur ef aðstæður breytast - við finnum lausn sem hentar þínum rekstri.

Nei, það er ekki leyfilegt - vöktun með leynd er óheimil. Samkvæmt reglum Persónuverndar um rafræna vöktun (nr. 50/2023) þarf ökumaður að vita af því að staðsetningarbúnaður sé í ökutækinu. Fyrirtæki mega hins vegar nota GPS ökurita í eigin ökutækjum ef lögmætir hagsmunir liggja til grundvallar - til dæmis betra skipulag, aukið öryggi eða lækkun rekstrarkostnaðar - og starfsmenn eru upplýstir um vöktunina með skýrum hætti og góðum fyrirvara. Skriflegt samþykki ökumanns er ekki skilyrði. Við aðstoðum við innleiðingu á réttum vinnureglum hjá þínu fyrirtæki.